Fyrst IMF svo ESB og kaupa svo

Já sennilega er þetta bara best, ganga í ESB gera útaf við bændur, flytja inn Kaeustzfeldt-Jakob, og þegar við lendum í vöruskorti næst þá erum við ekki einu sinni sjálfum okkur nóg með mat.  Kaupum íslenskt sagði einhver í fjölmiðlum um daginn, já það er hægt á meðan einhverjir bændur eru eftir.  En stefnan virðist vera sú að gera útaf við þá eins og átti að gera útaf við Íbúðarlánasjóð og það hefði nú verið ákaflega gáfulegt að vera búin að því á þessum síðustu og verstu tímum, er það ekki?

Ingibjörg Sólrún: Fyrst IMF og svo ESB

Athugasemdir

[H G, 13.10.2008 kl. 09:02]

Ég óska ISG alls góðs í afturbatanum..en þegar ég les sjálhverft þjóðhöfðingja-ávarp hennar kemur í hug vísan: "Af langri reynslu lært ég þetta hef/ að láta Drottinn ráða á meðan ég sef./  En þegar ég vaki vil ég sjálfur ráða/ og þykist geta ráðið fyrir báða."

[Fanney og Elís (IP-tala skráð) 13.10.2008 kl. 12:51]

Jú þessi á vel við núna.  KN er alltaf góður.  Hann sagði líka:  Hugfast sveinar hafi það,/  helst á leynifundum, / ýmsa greinir á um, hvað /  orðin meina stundum.      Einhverjir ráðamenn mættu nú lesa þessa og greipa í huga sér.

Ég var líka að glugga í bókina Andræði eftir Sigfús Bjartmarsson:   Stór/ skal standa / stæðilega og/ gleiður vel/ á sínu/ gati.   Og svo í framhaldinu:  Sælt/ er sínu / sjálfi dátt/ að dilla.    Gott /er sína/ sjálfumgleði/ að gylla.

Að lokum:  Oft/  verður/  minna vit úr / meira/ viti.    En/ mörgum/ mun verða/  heldur meira/ vit úr meiri/ heimsku.